Енергетските пијалоци и забите

Пијалоците кои во себе содржат  големо количество на кофеин и шеќер, кои некои тинејџери ги консумираат наместо вода се 3 до 10 пати поштетни за забите отколку кока колата и слични на неа пијалоци. Лимонадата и енергетските пијалоци имаат најштетно влијание врз забите бидејќи содржат високо ниво на киселина кое може да ја уништи забната глеѓ.

 

Производителите на ваквите пијалоци во нив ставаат киселина да го намалат слаткиот вкус што е последица на високата количина на шеќер. Лименка со кола пијалок содржи 10 лажици шеќер. Киселината е таа која балансира и го прави пијалокот повкусен.

Ниско ph ниво значи висока киселост, а високото – ниска киселост. Кога ph факторот е понизок   од 4, се создава ситуација во која забите се оштетуваат. Сите енергетски пијалоци тестирани во една студија во Америка, покажале дека имаат 3.3 phниво или пониско. Некои спортски напитоци се уште полоши. Дури и виното е лошо бидејќи има ph 3.

Во продолжение Ви претставуваме неколку совети како да ја сочувате забната глеѓ од штетното влијание на енергетските и слични на нив пијалоци:

  • Најдобро е доколку консумирате вакви пијалоци тоа да го правите преку цевка која ќе ја поставите на задниот дел од усната празнина. Со тоа течноста нема да дојде во контакт со забите.
  • После пиење вакви пијалоци се препорачува устата да се исплакне со вода.
  • Ограничете го внесот на газирани и спортски (енергетски) напитоци.

Популарноста на ваквите пијалоци најмногу ја уживаат адолесцентите и младите луѓе. Нивните трајни заби се поподложни на нападот на киселината која ја има во безалкохолните пијалоци. Како резултат на тоа, постои висок потенцијал за зголемување на бројот на пациенти кои имаат проблеми со забите.

-авторски текст, не смее да се користи за комерцијални цели и/или реемитување-

Др. Кристина И. Стојаноска Алоска е родена во Охрид, 1984 година. Средно образование завршува во родниот крај, во гимназијата „Св. Климент Охридски“, природно- математичка насока, во 2003година. Дипломира на Стоматолошкиот факултет при Универзитетот „Св. Кирил и Методиј“ во Скопје, во 2008 година. Со работна лиценца за доктор по стоматологија се стекнува по положување на државниот испит во 2009 година. Во соработка со ОО Црвен крст - Охрид издава две брошури поврзани со оралното здравје. По повод Неделата на забоздравствена заштита, во 2014 ја издава Брошурата „ГРИЖА ЗА ЗАБИТЕ“ наменета за најмладите во која се опишани правилата за здрави заби што треба секое дете да ги знае. Следната, 2015 година, за истата цел ја издава брошурата „НАСМЕВКА БЕЗ КАРИЕС“, на малку повисоко ниво, наменета за сите родители и деца, во која се опишани сите нешта поврзани со кариесот и тоа како да се спречи. Во 2017 година издавачката куќа ЕДУКА МАК ја издава нејзината книга со 10 раскази на тема орално здравје, напишани како поезија во проза, со наслов „НАСМЕВКА ЗА ПЕТКА“. Работна пракса како доктор на стоматологија извршува во Стоматолошката ординација "ЕТАДЕНТ" во Охрид, чиј сопственик е од 2019 година. Доктори.мк е портал кој на популацијата и овозможува да согледа многу проблематики од областа на здравството и да научи многу совети и факти за животот , исхраната и здравјето. Мапата претставува одличен и најбрз начин преку кој може да се лоцира доктор или некоја медицинска установа. Особена чест и огромно задоволство ми претставува што сум дел од тимот на Доктори.мк и искрено се надевам дека преку моите статии читателите на Доктори.мк ќе научат многу проблеми од областа на стоматологијата. Доктори.мк според мене е par excellence портал од областа на здравството во Македонија. Големо БРАВО за основачите!!!